• plus de 3 mois

    NAFOORE WAAWDE WINNDUDE E JANNGUDE ƊEMNGAL MUM


    Caggal janngude celluka, Ƴeewde ko fotata sawndineede ɗoon, waawde celluka kaa, waawde mbinndiin oo, winndude ɗemngal pulaar ngal haa sella, waawde yiiloraade ɗemngal pulaar haa yettoroo ɗum gannde goɗɗe. 

    E nder gannde goɗɗe jettorteeɗe ɗee, ina jogii ganndal goɗngal biyeteengal pindingol ( *conscientisation*), pindingol ko feewti e dawrugol, gila e law ! 

    Kamɓe janngooɓe ɓee, ɓe ngannda faayiida ɗemngal e nder nguurndam neɗɗo, faayiida ɗemngal e nder darnde neɗɗo, ɓe ngannda faayiida ɗemngal e nder batte neɗɗo. Ɓe ngannda pelɓondiral ɗemɗe e nder leydi ko firi. Ɓe ngannda jokkondiral ɗemɗe e  nder leydi ko firi ! Ɓe  ngannda paamondiral ɗemɗe e nder leydi ko firi. Ɓe paama jiggaade ɗemngal e dow leňol goɗngol ko firi.
     
    So ɓe nganndii ɗuum, ɓe paamii ɗuum, ma ɓe paam so a wirtiima neɗɗo, aan ɓuri ɗum doole, ferimaa ma, a yanii, wontii jam, tawata won ɓagganɗo ɗum koyɗe [...]

    *Huunde e yeewtere* : Dr. Mammadu DEM, Hooreejo lannda Kisal Senegaal, e sahaa uddugol duɗal pulaar Kanadaa tolno II
    *Roɓindo* : Aamadu  Tijjaani KAN, winndiyanke.

    Journal pulaar

    Comments:



    Laisser un commentaire