• plus de 1 mois

    Ɗanngal ngal rewaani laawol: 54 mbaasii pittaali mumen 7 daɗɓe


    Fedde winndereyankoore ngam ɗanngal (OIM) hollitii talaata 17 diɗɗal yiɗnooɓe yahde doŋre Orop ɗanngal ngal rewaani laawol, njiytaama geej Muritani.

    47 ɗanniyanke afriknaajo, majjii menndeŋ njiyaaka, ɓuri sikkeede ko e ndiyam ɓe caŋkii tuma nde ɓe ngonnoo e laaɗe faade doŋre Orop. Ko ñande altine ndee heen 7, reenooɓe maaje kaaɗɗe Muritani paabii ɗumen, ndaɗi e yoolayru. 

    Ko gila 3 ut ɓe njaaɓani duuɗe Kanarii des îles Canaries (Espagne), kono moto laana maɓɓe paani, ko ine wona jonte ɗiɗi eɓe ngoni e nder ndiyam hade reenooɓe maaje kaaɗɗe leydi Muritani yiytude ɓe e no teeŋtiniri toppitiiɗo fedde OIM, Nicolas Hochart. 

    Capanɗe joy e nay neɗɗo, heen ɗiɗo ko sukaaɓe ɓe njettaaki duuɓi 3 e sagata debbo kamɓe kala ɓe keddiima e ndiyam e wiyde daɗɓe e nduun yoolayru. Hollitaama ko jeyaaɓe Afrik bannge hirnaange kono teeŋtinaaka leyɗe maɓɓe e jaati. Caɗeele keɓtii ɓe, ko tuma nde moto maɓɓe paani laana darii kak, njooɓaari maɓɓe gasi wonaa ñaamde maa ndiyam njareteeɗam alaa heen fof ko ɓe njogii.

    Ciftinen sagataaɓe heewɓe mbaasii pittaali mumen e ngol laawol, duuɗe kanarii damal naatirgal doŋre Orop hitaande kala ko ujjunaaje ɗanniyankooɓe Afriknaaɓe ndewata e ngool laawol, laawol kulɓinoongol njooɓotoongol pittaali sagataaɓe ngol wooretaake. Ko hitaande 2021 naati koo, ko famɗi kala 300 neɗɗo caŋkiima e ngol laawol Atlantik.

    Journal pulaar


    Laisser un commentaire