• plus de 1 mois

    Njeñcudi Bak, njaltundi hanki ndii, ndeke bettaani ine tijjenoo e wiyde Jaagorgal jaŋde ngenndiire leydi Muritani.


    Jaagorgal jaŋde ngenndiire Muritani e memto tippudi jaŋde ndee Mohamed El-Ayniin hollitii wonde njeñcudi lohndi kawgel bak bettaani ine tijjenoo ko nih tan waawata waade. E wiyde makko ko ɗee ɗoo geɗe 3 ngoni daliilu mum. Ko adii kala ko caɗeele gonɗe cañu tippudi jaŋde ndee, wondude e baɗte koronaa guurdaaɗo fotde duuɓi ɗiɗi kam e pellitte kese ƴettaade hikka, ngam haɓaade nguyka. Ɗum kala ine jeyaa ko waɗi njeñcudi ndii wayi nih lohde e wiyde jaagorgal jaŋde ngenndiire Muritani. 

    E nder hello makko facebook, jaagorgal jaŋde ngenndiire Muritani teeŋtinii wonde ndii njeñcudi maa addu waawde waɗde hiño luggiɗngo, haa ndaɗdudi jaŋde ndee moƴƴitinee. To fannu coñce haa e sciences ngam ƴellitde ɗowi jaŋde ndee. 

    Journal pulaar


    Laisser un commentaire